Íbabú

Vinir Láru vilja hefja þessa færslu á því að lýsa yfir stuðningi við Coke Zero-herferðina en hún hefur óverðskuldað átt undir mikið högg að sækja síðustu misserin. 

Við sátum einmitt í gærkvöldi og horfðum á sérkennilega mynd um heyrnarlausan ljósmyndara og sötruðum Coke Zero á meðan.

 Við höfum annars setið sveittir við að undirbúa 17. júní-prógrammið og spilum fyrir utan Apótekið á morgun frá 12-14. Við vonumst innilega til að koma auga á Hemma Gunn í áhorfendaskaranum enda hefur hann verið okkur mikill innblástur síðustu daga. Við sáum hann nú fyrir stuttu flissandi fyrir utan Humarhúsið og hefur sú upplifun ekki enn runnið okkur úr minni. Hver veit nema lagið Hemmi Gunn on the Water verði okkar Smoke on the Water ...

Vinir Láru munu troða upp á 17. júní klukkan 15:00 í Lækjargötu og aftur á Austurvelli klukkan 16:00.

Þá er ekki úr vegi að vekja athygli lesenda á myndskeiðum sem brátt verða aðgengileg hér á síðunni. Þau munu eflaust gefa skýra mynd af störfum Vina Láru í höfuðstöðvum sínum í miðbænum, tilraunum þeirra til að ná sambandi við hófstilltan fugl og kaffidrykkju.